Wataniyyat

I don’t think I have to say anything. Reminds me of my teacher saying, “Husn bazaat-e-khud daleel hai.” It speaks for itself.

Wataniyyat
(yani watan bahesiyyat eik siyasi tasawwur k)

Is daur mein mae aur hai, jaam aur hai jum aur
Saaqi nay bina ki rawish-e-lutf wa sitam aur
Muslim ne bhi tabeer kiya apna haram aur
tehzeeb kay aazar ne tarashwaye sanam aur
In taza khudaaon mein bara sab say watan hai
Jo pairhan is ka hai, woh mazhab ka kafan hai
Ye but keh tarasheeda-e-tehzeeb-e-nawi hai
gharat gar ka shaana-e-nabawi hai
bazu tera tauheed ki quwwat se qawwi hai
Islam tera des hai, tu mustafawi hai
Nazzara-e-daireena zamanay ko dikha de
Ay Mustafawi khaak mein is but(idol) ko mila de
Ho qaid-e-maqaami tu nateeja hai tabahi
reh bahar mein aazaad-e-watan surat-e-mahi
Hai tark-e-watan Sunnat-e-Mehboob-e-Ilahi
De tu bhi nabuwwat ki sadaqat pe gawahi
Guftaar-e-siyasat mein watan aur hi kuch hai
Irshad-e-nabuwwat mein watan aur hi kuch hai
Aqwaam-e-jahan mein hai raqabat tu isi say
Taskheer hai maqsood-e-tijarat tu isi say
Khali hai sadaqat se siyasat tu isi say
Kamzor ka ghar hota hai ghaarat tu isi say
Aqwam mein makhlooq-e-Khuda bat-ti hai isi say
Qaumiyyat-e-Islam ki jarr kat-ti hai isi say

Allama Muhammad Iqbal